Armend Zemaj merr pjesë në lutjet e mëngjesit, e Dikujt i refuzohet viza pse ?

0
213

Armend Zemaj merr pjesë në lutjet e mëngjesit, Ramush Haradinajt i refuzohet viza

Tre deputetë të Kuvendit të Kosovës është e sigurt se do të udhëtojnë drejt SHBA-së, meqë kanë marrë vizat dhe kanë ftesa për të marrë pjesë në lutjet e mëngjesit.

Armend Zemaj, Blerta Deliu-Kodra e Sllobodan Petroviq janë tre nga deputetët që me pasaporta diplomatike vizat i kanë marrë me procedura të shpejta dhe pa humbur shumë kohë, raporton KTV.

Këto viza mund t’i shfrytëzojnë deri në mesin e 2019-s.

Deputetja e LDK-së, që është edhe kryetare e Komisionit për Punë të Jashtme në Kuvendin e Kosovës, Vjosa Osmani, thotë se izolimi i disa liderëve është evident prej kohësh.

Osmani, që para një muaji ishte pritur në Departamentin Amerikan të Shtetit, deklaron se Kosovës nuk i duhen udhëheqës të cilëve u refuzohet vizita në SHBA.

Analistët e shohin këtë vetëm si një nga mesazhet e para të Amerikës përballë Kosovës.
Ende nuk dihet se cilët nga liderët shtetërorë do të jenë në mesin e 4 mijë të ftuarve për lutjet e mëngjesit në Amerikë.

KTV-ja ka pyetur edhe Zyrën e presidentit nëse ka marrë ftesë numri një i shtetit për të qenë në lutjet e mëngjesit në Amerikë, nëse është pajisur me vizë dhe a do të udhëtojë për atje, por përgjigje nuk kanë kthyer.

Ndërkohë, nga Zyra e kryetarit të Kuvendit televizionit i kanë thënë se Veseli çdoherë është pajisur me vizë amerikane.

Kurse, për vizitën konkrete kanë thënë se Veseli ftesën e ka pranuar, por për pjesëmarrje do të vendosë varësisht nga agjenda.

Vlen të theksohet se ftesat për këtë organizim zakonisht dërgohen muaj më parë.

Në këtë rast, nuk është qartësuar nëse ftesa për Veselin është ende valide, njësoj si për Thaçin e Haradinajn.

LEAVE A REPLY

Please enter your comment!
Please enter your name here